Y Cymro Lyn Jones wedi rhoi’r gorau i’w swydd yn brif hyfforddwr Rwsia

Mae’r Cymro Lyn Jones wedi rhoi’r gorau i’w swydd yn brif hyfforddwr tîm rygbi Rwsia ar ôl tair blynedd wrth y llyw.

Llwyddodd i fynd â nhw i Gwpan y Byd 2019, gyda’i dîm yn colli yn erbyn Siapan, Iwerddon, yr Alban a Samoa.

Eleni, mae Rwsia, sy’n 25ain yn y byd, wedi curo Rwmania a’r Iseldiroedd a cholli yn erbyn Georgia, Portiwgal, Sbaen a Chile.

Enillodd y cyn-flaenasgellwr bum cap dros Cymru, ac mae hefyd wedi hyfforddi gyda Chastell Nedd, y Gweilch, Cymry Llundain, y Dreigiau a Namibia.

“Mae gen i barch mawr at y gwaith mae Lyn Jones wedi’i wneud, er bod problemau difrifol wedi bod gyda Covid ac roedd yn anodd i’r prif hyfforddwr deithio i Rwsia,” meddai Igor Artemyev, cadeirydd ffederasiwn rygbi Rwsia.

“Dechreuodd Lyn adfywio’r tîm cenedlaethol ac yn y dyfodol, gall hynny ddod â chanlyniadau da.”