Dan Biggar a Northampton yn tawelu ofnau’r Llewod am ei ffitrwydd

Mae Dan Biggar wedi tawelu ofnau’r Llewod am ei ffitrwydd ar ôl i faswr Cymru gael ei ddewis yn nhîm Northampton ar gyfer gêm ola’r tymor.

Fe ddaeth e oddi ar y cae yn ail hanner y golled yn erbyn Caerwysg ar ôl cael anaf i’w frest.

Ond fe fydd e’n holliach i herio Caerfaddon dros y penwythnos, ac mae Northampton yn dweud mai “rhagofal” oedd y penderfyniad i’w dynnu fe oddi ar y cae.

“Roedd Dan mewn ychydig o boen, dyna’r cyfan,” meddai’r Cyfarwyddwr Rygbi Chris Boyd.

“Mae e ar gael i’w ddewis y penwythnos hwn.

“Roedd yn rhagofal yn gymaint ag unrhyw beth arall.”