Sgoriodd Gavin Coombes hatric o geisiau wrth i Munster guro’r Gweilch o 38-22 yn y PRO14 ym Mharc Thomond.
Mae’r pwynt bonws yn rhoi blaenoriaeth i’r Gwyddelod o wyth pwynt ar frig Cyngres B.
Roedd y tîm cartref ar y blaen o 24-10 ar yr egwyl ar ôl i’r wythwr Coombes, Mike Haley a Kevin O’Byrne groesi ar ôl i Luke Morgan groesi’r llinell i’r Gweilch.
Ond aeth Morgan i’r cell cosb cyn i Coombes groesi am ei ail gais, ac fe ddaeth ei drydydd cais ar ôl 52 munud.
Daeth cais cosb hwyr i’r Gweilch ar ôl i Dewi Lake hefyd groesi.
Mae gan y Gweilch ddwy fuddugoliaeth yn unig mewn chwe gêm, ac maen nhw’n drydydd yng Nghyngres A.
Munster
Ceisiau: Coombes (3), Haley, O’Byrne
Trosiadau: Hanrahan, Scannell, Healy
Ciciau cosb: Healy
Gweilch
Ceisiau: Morgan, Lake, cais cosb
Trosiadau: Myler
Ciciau cosb: Myler
