Bydd y Scarlets yn yr Alban heno i herio Rhyfelwyr Glasgow, gyda’r gêm yn fyw ar BBC 2.
Nid yw’r rhanbarth o Gymru wedi ennill oddi cartre’ hyd yma’r tymor hwn.
Ond fe gawson nhw fuddugoliaeth gartref yn eu gêm ddiwetha’, gan drechu’r Gweilch 22-10.
Yn trafod record wael y rhanbarth oddi cartre’r tymor hwn, fe ddywedodd y blaenwr Jake Ball wrth wefan y Scarlets: “Mae e’n rhywbeth meddyliol – mae’n rhywbeth sy’n rhaid i ni gael yn iawn oddi cartref…Fe fyddai trechu Glasgow yn rhoi ni ar y trywydd cywir am weddill y tymor.”
