Scarlets 7–24 Northampton
Cafodd y Scarlets ddechrau gwael i’w hymgyrch yn y Cwpan LV wrth iddynt golli yn erbyn Northampton ar Barc y Scarlets nos Wener.
Steffan Evans sgoriodd unig gais Bois y Sosban ond croesodd yr ymwelwyr am dri wrth ennill yn gymharol gyfforddus.
Aeth Northampton ar y blaen wedi deg munud pan lowciodd Howard Packman y bêl cyn croesi am y cais agoriadol.
Roedd hi’n gyfartal serch hynny ar yr egwyl wedi i’r cefnwr cartref, Evans, daro nôl i’r Scarlets, 7-7 wedi deugain munud.
Ond yr ymwelwyr oedd piau’r ail hanner ac roedd cais yr un i’r eilyddion, Lee Dickson a Calum Clark, ynghyd â saith pwynt o droed Will Hooley yn ddigon i ennill y gêm.
Y Gleision yw gwrthwynebwyr nesaf y Scarlets, ar Barc yr Arfau nos Wener nesaf.
.
Scarlets
Cais: Steffan Evans 22’
Trosiad: Steven Shingler 22’
.
Northampton
Ceisiau: Howard Packman 11’, Lee Dickson 59’, Calum Clark 66’
Trosiadau: Will Hooley 11’, 60’, 67’
Cic Gosb: Will Hooley 50’
