Gweilch 45–20 Connacht
Daeth tymor siomedig y Gweilch i ben ar nodyn cadarnhaol nos Sadwrn wrth iddynt guro Connacht yn gyfforddus ar y Liberty.
Sgoriodd y Cymry chwe chais yn erbyn tri’r ymwelwyr yng ngêm olaf y tymor yn y RaboDirect Pro12.
Hanner Cyntaf
Croesodd Jeff Hassler am gais cyntaf y Gweilch wedi deuddeg munud ac roedd y gŵr o Ganada’n ganolog yn y ddau arall sgoriodd y Cymry cyn yr egwyl hefyd.
Ei redeg egniol ef greodd y sylfaen i Ashley Beck ar gyfer yr ail, ac yna Alun Wyn Jones am y trydydd.
Mantais fain oedd un y Gweilch ar yr egwyl serch hynny gan i Darragh Leader a Dennis Buckley groesi i’r Gwyddelod.
Ail Hanner
Ychwanegodd Conor Gilsenan drydydd cais i Connacht wedi’r egwyl ond ar wahân i’r ymdrech honno toc wedi’r awr, hanner y Gweilch oedd hi.
Sicrhaodd Beck y pwynt bonws gyda’i ail ef o’r gêm a rhoddodd Nicky Smith a Dan Baker yr eisin ar y gacen gyda cais yr un yn y chwarter olaf.
Gorffennodd Dan Biggar dymor da iddo ef yn bersonol gyda phymtheg pwynt yn y gêm olaf, ond siomedig oedd tymor y Gweilch yn gyffredinol wrth iddynt orffen yn bumed yn y tabl.
.
Gweilch
Ceisiau: Jeff Hassler 12’, Ashley Beck 27’, 45’, Alun Wyn Jones 36’, Nicky Smith 60’, Dan Baker 68’
Trosiadau: Dan Biggar 14’, 28’, 37’, 46’, 62’, 69’
Cic Gosb: Dan Biggar 34’
Cerdyn Melyn: Alun Wyn Jones 75’
.
Connacht
Ceisiau: Darragh Leader 17’, Dennis Buckley 40, Conor Gilsenan 63’
Trosiad: Miah Nikora 4’
Cic Gosb: Miah Nikora 40’
