Adam Jones
Mae prop Cymru Adam Jones am arwyddo cytundeb canolog gydag Undeb Rygbi Cymru, yn ôl hyfforddwr y Dreigiau Lyn Jones.
Daeth y newyddion syfrdanol gan Jones mewn cynhadledd i’r wasg heddiw – gyda WalesOnline yn awgrymu mai dros y Dreigiau byddai Adam Jones yn dymuno chwarae petai’n cael y dewis.
Hyd yn hyn does dim cadarnhad wedi dod gan un ai’r Dreigiau, y Gweilch – rhanbarth presennol Adam Jones – nac Undeb Rygbi Cymru.
Fe ddywedodd Lyn Jones hefyd yn y gynhadledd nad yw’n disgwyl y bydd Gavin Henson yn ymuno â’r rhanbarth o Gaerfaddon ar ddiwedd y tymor.
