Allai pob meillionen pedwar deilen yn y byd ddim fod wedi gallu troi lwc y Cymry bythefnos yn ôl, wrth iddyn nhw gael crasfa gan Iwerddon o 26-3.
Ond fe fydd y cochion yn gobeithio y bydd ganddyn nhw ryw je ne sais quoi heno wrth iddyn nhw groesawu Ffrainc i Gaerdydd.
Yn ymuno â Rhys Jones yr wythnos hon i drafod y gêm mae blogwyr rygbi golwg360 Owain Gwynedd ac Illtud Dafydd.
Mae’r tri yn trafod y canlyniad trychinebus yn Nulyn, y frwydr rhwng Webb a Phillips am grys y mewnwr, a’r ornest fawr fydd yn wynebu’r canolwyr.
Ac a allwn nhw weld canlyniad gwell i Gymru heno? Neu a fydd Ffrainc yn cadw’u gobeithion o Gamp Lawn yn fyw?
