Bradley Davies
Ni fydd Bradley Davies yng ngharfan Warren Gatland wrth i Gymru herio Awstralia wythnos i yfory yn Stadiwm y Mileniwm. Anafodd y clo ei ysgwydd yn ystod buddugoliaeth Cymru yn erbyn Yr Ariannin.
Ar ôl asesiadau meddygol, mae Bradley Davies wedi cael llawdriniaeth a fydd yn ei gadw rhag chwarae am sawl mis, ac mae yna amheuon a fydd yn holliach ar gyfer Pencampwriaeth y Chwe Gwlad.
Cory Allen
Yn ogystal â Davies mae ei gyd-chwaraewr rhanbarthol Cory Allen, a ddatgymalodd ei ysgwydd yn erbyn Yr Ariannin, allan am ychydig o fisoedd ac mae disgwyl iddo yntau hefyd golli ymgyrch Cymru ym Mhencampwriaeth y Chwe Gwlad eleni.
Chwaraewr arall fydd yn colli’r gêm yn erbyn Awstralia yw clo Perpignan, Luke Chateris. Mi fydd Chateris yn dychwelyd i Ffrainc ar ôl i’w glwb wrthod ei ryddhau ar gyfer gornest ryngwladol ola’r Hydref.
