Bydd y Scarlets yn yr Eidal heno yn herio Zebre yn y gystadleuaeth RaboDirect Pro12. Mae Zebre wedi colli pob un o’u 23 o gemau ymhob cystadleuaeth y tymor hwn. Y tro diwethaf i’r Scarlets golli yn y Pro12 oedd i Leinster ar 23 o Chwefror a hynny o 32-5.
Ar ô cael pythefnos heb rygbi rhanbarthol, dywedodd Prif hyfforddwr y Scarlets Simon Easterby bod yr ymarfer wedi mynd yn dda yr wythnos hon a bod y chwaraewyr yn llawn egni.
Bydd tri chwaraewr rhyngwladol yn dychwelyd i’r tîm heno, gyda Liam Williams yn symud i’r asgell a Gareth Owen yn dechrau fel cefnwr ar ôl gwella o’i anaf. Bydd Aaron Shingler yn dechrau yn y rheng ôl gyda Jonathan Edwards a’r capten Rob McCusker. Matthew Rees fydd y bachwr rhwng y ddau brop profiadol Phil John a Deacon Manu.
Aled Davies fydd yn gwisgo rhif naw gydag Owen Williams yn faswr.
‘‘Mi fydd yn wythnos dda o ymarfer ac fe ddaeth y chwaraewyr rhyngwladol yn ôl yn llawn egni yn dilyn y fuddugoliaeth yn erbyn Lloegr. Mae’n rhaid i ni ennill y gemau nesaf er mwyn cadw’n gobeithion o orffen yn y pedwar safle uchaf,’’ meddai Easterby.
‘‘Er bod Zebre wedi colli llawer o’i gemau bydd yn rhaid i ni fel chwaraewyr a hyfforddwyr ganolbwyntio ar ein gwaith gan ei bod yn dîm cystadleuol iawn. Mae’n edrych fel bod yna ddiwedd cyffrous i’r tymor ac mae’n rhaid i ni anelu am le yn y gemau ail-chwarae,’’ ychwanegodd Easterby.
Tîm y Scarlets
Olwyr – Gareth Owen, Liam Williams, Gareth Maule, Adam Warren, Andy Fenby, Owen Williams a Aled Davies.
Blaenwyr – Phil John, Matthew Rees, Deacon Manu, George Earle, Johan Synman, Aaron Shingler, Johnathan Edwards a Rob McCusker (Capten).
Eilyddion – Emyr Phillips, Rhodri Jones, Jacobie Adriaanse, Jake Ball, Sione Timani, Rhodri Williams a Aled Thomas a Scott Williams.
