Ashley Williams
Prynhawn fory fe fydd Abertawe yn herio West Ham yn Upton Park, ac mae rheolwr Cymru yn bendant mae gan y Swans mae amddiffynnwr gorau’r Uwch Gynghrair.
Ar y funud mae Abertawe yn yr wythfed safle yn yr Uwch Gynghrair, saith pwynt o flaen West Ham.
Gyda Danny Graham wedi arwyddo â Sunderland a’r ymosodwr Michu heb sgorio yn ei bum gêm olaf, fe fydd hi’n ddiddorol gweld sut siap fydd ar ymosodwyr Abertawe yfory.
Ond o droi at asgwrn cefn y tîm, mae rheolwr Cymru wedi dweud mai Ashley Williams yw’r amddiffynnwr gorau yn yr Uwch Gynghrair. Yn ôl Chris Co0leman mae ganddo’r potensial i fynd rhagddo i gystadlu gyda’r gorau yn Ewrop.
Ar ôl dechreuad go sigledig i ddechrau’r tymor i’w glwb, fe wnaeth Williams ddychwelyd i’w safon uchel.
Mae ei bartneriaeh amddiffynnol gyda Chico Flores wedi profi’n gadarn, gan lwyddo i osgoi ildio gôl yn erbyn timoedd fel Chelsea ac Arsenal.
‘‘Nid oes gwell amddiffynnwr yn yr Uwch Gynghrair,’’ meddai Coleman am Williams.
Os fydd Abertawe yn curo Bradfod yn y rownd derfynol o’r Cwpan Capital One, bydd yr Elyrch yn gymwys i gystadlu yng nghynghrair Europa.
