Mae Cymru wedi eu tynnu yn yr un grŵp a Lloegr ar gyfer cystadleuaeth dan-21 UEFA yn 2015.
Bydd y Ffindir, Lithuania, Moldova a San Marino hefyd yng ngrŵp 1 gyda thîm Geraint Williams. Bydd y gêm gyntaf yn erbyn Moldova ar 22 Mawrth.
Dywedodd y rheolwr Geraint Williams iddo fod yn fodlon iawn hefo’r grŵp: “Roeddwn i’n jocian hefo rheolwr Lloegr, Stuart Pearce cyn y seremoni y byddan ni’n cael ein rhoi yn yr un grŵp, felly doeddwn ni ddim wedi synnu pan ddaethon nhw allan o’r het,” meddai Williams.
“Bydd y Ffindir yn wrthwynebwyr anodd hefyd, ond rydw i’n hapus ein bod ni wedi osgoi chwarae ym mis Mehefin a Thachwedd gan fod twrnamaint ieuenctid yn y misoedd yna.”
Gemau tîm dan-21 Cymru:
22 Mawrth, 2013 – Moldova
14 Awst, 2013 – Y Ffindir
6 Medi, 2013 – San Marino
10 Medi, 2013 – Moldova
11 Hydref, 2013 – Lithuania
15 Hydref, 2013 – San Marino
5 Mawrth, 2014 – Lloegr
