Mae’r blaenwr Fraizer Campbell wedi arwyddo cytundeb i ymuno a Chaerdydd, fe gyhoeddodd y clwb heddiw.
Bydd Campbell, 25, yn symud i’r brifddinas o Sunderland, a bydd ei gytundeb yn para am dair blynedd a hanner.
Daeth Campbell drwy dîm ieuenctid Manchester United cyn cyfnodau yn chwarae yn Antwerp, Hull a Tottenham. Symudodd i Sunderland yn 2009, gan sgorio 10 o weithiau mewn 72 gem i’r clwb.
Nid yw clwb Caerdydd wedi cyhoeddi pris Campbell, ond mae disgwyl iddyn nhw dalu £650,000 am y chwaraewr, a fydd yn gwisgo crys rhif 27.
