Ffergi
Gyda naw safle yn gwahanu’r ddau dîm, mae Angel Rangel yn credu bod angen i Abertawe fod yn ddewr wrth iddyn nhw herio’r tîm sydd ar gopa’r Uwch Gynghrair.
Nid yw’r Elyrch wedi curo Manchester United eto, ond wedi buddugoliaethau swmpus yn erbyn cewri eraill megis Lerpwl, Newcastle a Arsenal eisoes y tymor hwn, mae Abertawe wedi profi eu bod yn medru curo’r goreuon.
‘‘Mae’n rhaid i ni fod yn bositif. Os byddwch yn rhoi gormod o barch i’r gwrthwynebwyr, mwy na thebyg y byddwch yn colli,’’ meddai Rangel.
Gyda chyfnod eithaf prysur dros y Nadolig, fe fydd yr Elyrch yn obeithiol o gipio buddugoliaeth ar ôl colli dwy gêm yn olynol yn yr Uwch Gyngrhair.
Wrth i fechgyn Ffergi ddod i’r Liberty, mae ymosodwr yr Elyrch, Danny Graham yn gobeithio y bydd yr Elyrch yn rhoi sioe dda ymlaen i gau pen y mwdwl ar flwyddyn gofiadwy arall.
‘‘Roedden ni’n anlwcus yn eu herbyn nhw yn y Liberty flwyddyn yn ôl. Er i ni gael cyfleon, ni lwyddon ni i sgorio,’’ meddai.
