Logo Dinas Bangor
Prestatyn 1 Bangor 2
Fe gafodd Dinas Bangor ddial ar Brestatyn am roi diwedd ar eu rhediad diguro ynghynt yn y tymor.
Ond, ar un adeg, roedd hi’n ymddangos y byddai’r tîm o’r dwyrain yn cyflawni’r dwbl wrth fynd ar y blaen gyda llai na hanner awr ar ôl.
Un o gyn-chwaraewyr Bangor, Lee Hunt, oedd wedi sgorio ar ôl 64 munud yng ngêm gynta’r ddau ddyn yng nghystadleuaeth hanner ucha’r Uwch Gynghrair.
Ond ddeng munud wedyn, fe drawodd Dave Morley gyda’i ben i ddod â’r gêm yn gyfartal. Ddau funud wedyn, roedd wedi ei hennill gydag ergyd ardderchog i’r rhwyd.
Mae’r fuddugoliaeth yn gosod Bangor wyth pwynt ar y blaen ar frig yr adran gyda naw gêm i’w chwarae.
