Gareth Bale
Mae Tottenham Hospur yn gobeithio y bydd eu seren fawr, Gareth Bale, yn ôl i wynebu AC Milan yn y gêm nesa’ yng Nghynghrair Pencampwyr Ewrop.
Fe gollodd y Cymro’r fuddugoliaeth o 1-0 yn yr Eidal yn gynt yr wythnos hon ond mae rheolwr Spurs, Harry Redknapp, yn ffyddiog y bydd yn ôl erbyn 9 Mawrth.
Mae hynny’n newyddion da hefyd i reolwr Cymru, Gary Speed, cyn y gêm yn erbyn Lloegr ychydig tros bythefnos wedyn.
Mae Redknapp hefyd yn dweud ei fod yn edrych ymlaen i gael Bale yn ôl, gyda’i gyflymder ef a Lennon ar yr asgell arall yn barod i greu problemau.
Yn erbyn y tîm arall o Milan, Inter, y daeth Bale i enwogrwydd rhyngwladol ar ôl sgorio tair yn eu herbyn.
