Casnewydd yn ennill eto

Max Porter
Braintree: 1          2: Casnewydd

Mae tîm pêl-droed Casnewydd wedi ennill eto ond mi roedd yn rhaid iddyn nhw frwydro’n galed i sicrhau’r fuddugoliaeth.

Braintree sgoriodd gyntaf a hynny yn yr ail hanner. Quinton gafodd y gôl oddi fewn 53 munud. Fe ddaeth Casnewydd yn ôl i’r gêm gyda gôl wych gan Max Porter, ac yna fe sgoriodd Idsmail Yakubu chwe munud cyn y diwedd i sicrhau’r fuddugoliaeth.

Dyma’r bedwaredd gêm o’r bron i Gasnewydd ennill – dechrau gwych i’r tymor iddyn nhw.