Stadiwm newydd Nantporth
Ar ôl gêm ddi-sgôr yn y cymal cyntaf yn erbyn Zimbru Chisinau neithiwr, mae Bangor wedi rhoi ei hunain mewn sefyllfa addawol i gamu ymlaen yng nghynghrair Europa.
Mi fyddan nhw’n teithio i Moldova I herio Zimbru Chisinau yn yr ail gymal nos Iau nesaf.
Dechreuodd Bangor yn gadarn, ond wrth i’r hanner cyntaf fynd yn ei flaen ymatebodd yr ymwelwyr yn gryf.
Fe wnaeth y gôl geidwad Lee Idzi arbed cynigion teilwng gan streicwyr Zimbru, Radu Catan a Oleg Molla.
Yn ogystal fe ddaeth Damien Allen yn agos i roi’r tîm cartref ar y blaen ar ôl cic rydd.
Ond yn yr ail hanner, crëwyd nifer o gyfleoedd gan eilyddion Bangor sef Chris Jones, Alan Bull a Dave Morley.
