Joe Ledley
Mae’r Cymro Joe Ledley wedi dweud bod rhaid i Celtic edrych ymlaen yn hytrach na thindroi o gwmpas y golled i Rangers ddydd Sadwrn diwethaf.
Byddai buddugoliaeth wedi golygu bod Celtic yn cael eu cadarnhau’n Bencampwyr yr SPL, ond fe gollon nhw 3-2 yn erbyn eu cymdogion Rangers, sydd mewn trafferthion dros daliadau treth ar hyn o bryd. Gall Celtic ennill y gynghrair ddydd Sul yma, yn ddibynnol ar ganlyniad Rangers yn erbyn Motherwell ddydd Sadwrn.
“Mae angen i ni ganolbwyntio ar y tri phwynt a gawn ni weld ble awn ni,” meddai chwaraewr canol-cae Celtic a Chymru.
“Doedden ni ddim yn hapus gyda’r gêm ddydd Sul, ond dyna bêl-droed. Sdim pwynt tindroi dros y peth”.
Talodd Joe Ledley deyrnged i gefnogwyr Celtic. “Ro’n nhw wych. Fe ganon nhw trwy’r gem a nhw yw cefnogwyr gorau’r byd. Fe brofon nhw hynna ar Ibrox.”
