Mae’r chwaraewr canol cae Kemy Agustien yn credu mai ysbryd tîm Abertawe fydd yn allweddol er mwyn cadw statws y clwb yn yr Uwch Gynghrair.
Mae’r elyrch yn yr 11fed safle yn y tabl ond dal heb ennill oddi cartref.
Eu gobaith yw gwell’r record honno yn Newcastle yfory.
Ar ddechrau’r tymor roedd yna lawer o byndits yn dweud na fydd Abertawe yn yr Uwch Gynghrair y tymor nesaf, ond wrth i ni nesáu at ganol y tymor mae tîm Brendan Rodgers wedi medru dal eu tir yn erbyn y goreuon.
Dim ond dau bwynt mae’r Elyrch wedi ennill mewn saith gêm oddi cartref y tymor hwn.
Ond mae seren canol cae’r tîm yn ffyddiog bod curo yn Newcastle o fewn eu cyrraedd.
‘‘Mae’r ysbryd y tîm yn un arbennig iawn,’’ Kemy Agustien sy’n hanu o’r Iseldiroedd.
‘‘Mae pawb eisiau chwarae ond os nad ydych yn dechrau’r gêm, neu yn y garfan hyd yn oed, mae’n rhaid i chi gefnogi eich cyd-chwaraewyr gymaint ag y gallwch.
‘‘Efallai eich bod yn cystadlu am yr un safle, ond mae’n rhaid cofio eich bod yn chwarae yn yr un clwb a cheisio gwneud y gorau i’r clwb.’’
