Mae’r chwaraewr rhyngwladol Craig Bellamy yn dweud fod gan Gareth Bale ac Aaron Ramsay berffaith hawl i chwarae yn y Gemau Olympaidd.
 
Mae dyfodol tîm Prydain yn eithaf anneglur ar y foment, gan mai dim ond FA Lloegr sydd yn hapus i’r chwaraewyr gynrychioli’r tîm Prydain.
 
Mae’r Alban, Gogledd Iwerddon a Chymru yn pryderu y byddan nhw’n colli’r hawl i chwarae ar y lefel rhyngwladol os wnawn nhw gytuno i dîm Prydeinig yn yr Olympics.
 
Ond does gan Bellamy ddim pryderon ac mae’n credu y dylai’r unigolion gael y profiad o chwarae a mwynhau’r Gemau Olpympaidd.
 
Mae lluniau o Gareth Bale ac Aaron Ramsey yn gwisgo crysau cefnogi tîm Prydain, ac yn ôl Bellamy maen nhw’n  ymgeiswyr cryf ar gyfer y tîm y flwyddyn nesaf.
 
‘‘Mae nhw’n ddigon da i’w gwneud hi.  Os y bydden nhw’n cael y cyfle i’w wneud fe fyddwn yn eu cefnogi’’, meddai Bellamy.
 
‘‘Os gall Gymru gynnwys un neu ddau chwaraewr yn y tîm, gall hyn ddod â phrofiad i’n tîm cenedlaethol’’, ychwanegodd.