Harrogate 0–2 Wrecsam
Cododd Wrecsam yn glir o safleoedd disgyn Cynghrair Genedlaethol Lloegr gyda buddugoliaeth dda yn erbyn Harrogate ar Wetherby Road brynhawn Sadwrn.
Roedd un safle ar bymtheg yn gwahanu’r ddau dîm yn y tabl wrth i’r Dreigiau deithio i wynebu’r tîm sydd yn ail, ond y Cymry a aeth â hi diolch i goliau Jennings a Hooper.
Un munud ar ddeg a oedd ar y cloc pan grymanodd James Jennings gic rydd wych i’r gornel uchaf o bum llath ar hugain.
Bu rhaid aros tan chwarter awr o’r diwedd am yr ail, JJ Hooper yn crymanu’r bêl i gefn y rhwyd wedi gwaith creu Davis Kellior-Dunn ar y dde.
Mae’r canlyniad yn codi tîm Dean Keates i’r unfed safle ar bymtheg yn y tabl, bedwar pwynt yn glir o’r safleoedd disgyn.
.
Harrogate
Tîm: Belshaw, Hall, Smith, Bradley, Burrell, Falkingham, Emmett (Harratt 71’), Kerry, Stead, Muldoon (Kiernan 78’), Diamond
Cerdyn Melyn: Diamond 56’
.
Wrecsam
Tîm: Lainton, Jennings, Pearson, Carrington, Summerfield, Lawlor, Young, Rutherford, Kennedy, Jarvis (Keillor-Dunn 69’), Hooper (Ponticelli 87’)
Goliau: Jennings 11’, Hoper 74’
Cerdyn Melyn: Jarvis 32’, Lainton 76’
.
Torf: 2,415
