Mae Manchester City wedi rhoi crasfa go iawn i Manchester United prynhawn ma, a hynny yn Old Trafford.
Dyma’r golled fwyaf mae Manchester United wedi ei ddioddef gartref, ac yn awr mae City bum pwynt ar y blaen ar frig yr Uwch Gynghrair.
Un gôl i ddim i City oedd y sgôr ar hanner amser, a nhw oedd yn disgleirio yn yr ail hanner. Fe allan nhw fod wedi sgorio hyd yn oed fwy o goliau, gydag United i lawr i 10 dyn.
Wnaeth United ddim rhoi’r gorau iddi, ac fe lwyddodd Fletcher i sgorio gyda naw munud i fynd. Ond yna, daeth City yn ôl gyda goliau gan Dzeko a Silva.
Gêm drychinebus i United. A chwaraewyr City ar ben eu digon, ac ar ben y Gynghrair!
