Lido Afan 0 – 0 Aberystwyth
Doedd dim goliau yn unig gêm Uwch Gynghrair Cymru yn Stadiwm Marstons heno.
Mae tipyn o ddyfalu wedi bod am ddyfodol rheolwr Aberystwyth, Alan Morgan o ganlyniad i rediad siomedig y clwb yn ddiweddar.
Mae Aber yn dal i chwilio am eu hail fuddugoliaeth o’r tymor, ond o leiaf mae’r gêm gyfartal yn eu codi un safle uwchben Airbus yn y tabl. Maen nhw bellach yn wythfed tra bod y canlyniad yn golygu bod Lido Afan yn aros yn seithfed.
