Buddugoliaeth ‘di-reolwr’ yn plesio Wrecsam

D
Andy Morell
ywedodd Andy Morell ei fod yn ddyn hapus iawn ar ôl gweld Wrecsam yn maeddu Grimsby Town oddi cartref yn Blundell Park o dair gôl i un.

Daeth i’r amlwg ddydd Gwener fod Dean Saunders wedi penderfynu derbyn cynnig i hyfforddi clwb Doncaster Rovers.

Cafodd y chwaraewr Andy Morell ei benodi yn hyfforddwr dros dro yn ei le a dywedodd ei fod “wrth ei fodd ac yn hapus dros y tîm”.

Sgoriodd Mathias Pogba y gôl gyntaf gyda pheniad ar ôl 15 munud, cyn i Liam Hearn daro nôl i’r tîm cartref ar ôl hanner awr.

Tarodd Jay Harris a Lee Fowler yn ôl yn yr ail hanner er mwyn sicrhau’r fuddugoliaeth.

“Mae gennym ni grŵp da ac mae’r fuddugoliaeth yma’n hwb mawr iddyn nhw.

“Yn yr hanner cyntaf fe ddangoson ni ein bod ni’n dîm da, ac yn debycach i’r tîm ddechreuodd y tymor â chwe buddugoliaeth mewn saith gêm.

“Does dim llawer o dimoedd yn gallu ymdopi gyda ni pan ydan ni ar ein gorau.

“Mae’n braf ennill ac ar ôl mynd tair gêm heb fuddugoliaeth mae’n dda sicrhau buddugoliaeth arall.

“Mae gennym ni strwythur fan hyn sydd wedi ei roi yn ei le gan Deans ac mae pawb yn gwybod eu swyddogaeth. Felly roedd yn hawdd i fi gymryd yr awenau, gan fod pawb yn gwybod beth maen nhw i fod yn ei wneud.”