Jon Parkin (llun o wefan y clwb)
Mae Jon Parkin wedi gadael Caerdydd am y tro gan ymuno â Doncaster Rovers ar fenthyg.
Mae’r ymosodwr 29 oed yn ymuno â Doncaster ar fenthyg am gyfnod o fis.
Fe ymunodd â Chaerdydd o Preston am £100,000 ym mis Ionawr, ac er iddo sgorio yn ei gêm gyntaf mae wedi ei chael yn anodd sefydlu ei hun yn y tîm ers hynny.
Roedd disgwyl iddo adael y clwb dros yr haf, ond penderfynodd Malky MacKay i gadw gafael arno am y tro.
Er hynny, dim ond dau ymddangosiad mae wedi gwneud hyd yn hyn eleni, a’r rheiny yn y Cwpan Carling.
Mae disgwyl i Parkin fynd yn syth mewn i garfan Doncaster ar gyfer eu gêm yn erbyn Crystal Palace y penwythnos hwn.
