Cae Ras - colli yno am y tro cynta' (o wefan y clwb)
Wrecsam 0  York City 3

Parhau i suro a wnaeth tymor Wrecsam wrth iddyn nhw golli am yr ail dro’n olynol yn Uwch Gynghrair y Blue Square.

O fewn llai na hanner awr, roedden nhw dair gôl ar ei hôl hi yn erbyn y tîm o Gaerefrog a doedd ymdrechion yr ail hanner ddim yn ddigon i wella pethau

Fe gawson nhw ambell gyfle wedi’r egwyl, heb fygwth o ddifri’ y bydden nhw’n cau’r bwlch ac achub eu record ddiguro ar y Cae Ras.

Gyda Gateshead yn cael gêm gyfartal yn erbyn Caergrawnt a Luton yn ennill, mae Wrecsam bellach i lawr i’r trydydd safle.

  • Mynd o ddrwg i waeth y mae hi i Gasnewydd hefyd a nhwthau yn y pedwar isa’ a’r safleoedd disgyn ar ôl colli o 1-0 yn Braintree.