Abertawe 1–0 West Brom
Cododd Abertawe oddi ar waelod tabl Uwch Gynghrair Lloegr gyda buddugoliaeth dros West Brom ar y Liberty brynhawn Sadwrn.
Roedd un gôl hwyr Wilfried Bony yn ddigon i gipio’r fuddugoliaeth i’r Elyrch, dim ond eu trydedd o’r tymor.
Roedd cyffro’n brin mewn hanner cyntaf diflas a chwaraewr canol cae West Brom, Jake Livermore, a ddaeth agosaf at agor y sgorio, a hynny gyda pheniad yn erbyn ei bostyn ei hun!
Roedd Abertawe’n well wedi’r egwyl ac fe ddaeth Bony yn agos at agor y sgorio unwaith cyn gwneud yn union hynny gyda deg munud yn weddill. Adlamodd y bêl yn garedig i’r blaenwr yn y cwrt cosbi wedi cic gornel ac fe saethodd yntau hi’n syth i gefn y rhwyd.
Methodd Tammy Abraham gyfle gwych i ddyblu’r fantais yn yr amser a ganiateir am anafiadau ar ddiwedd y gêm ond roedd un gôl yn ddigon i dîm Paul Clement.
Mae’r fuddugoliaeth yn codi Abertawe o waelod y tabl, dros Crstal Palace a gafodd gêm gartref gyfartal yn erbyn Bournemouth.
.
Abertawe
Tîm: Fabianski, Naughton, van der Hoorn, Mawson, Olsson, Ki Sung-yueng, Mesa, Carroll (Abraham 76’), Routledge (Ayew 56’), Bony, Dyer (Narsingh 65’)
Gôl: Bony 81’
Cardiau Melyn: Carroll 51’, Mesa 86’
.
West Brom
Tîm: Foster, Nyom, Hegazi, Evans, Gibbs, Livermore, Yacob, Field McClean 45’), Robson-Kanu (Burke 78’), Rondon, Rodriguez (Brunt 82’)
Cardiau Melyn: Yacob 16’, Field 35’, Robson-Kanu 78’, Evans 84’, Brunt 88’
.
Torf: 19,580
