Wrecsam 3–1 Forest Green 
Sgoriodd Gerry McDonagh ddwy gôl wrth i Wrecsam guro Forest Green ar y Cae Ras yn y Gynghrair Genedlaethol brynhawn Sadwrn.
Roedd y Dreigiau ddwy gôl ar y blaen wrth droi ac felly yr oedd hi ar ddiwedd y naw deg munud hefyd wedi i’r ddau dîm sgorio gôl yr un wedi’r egwyl.
Roedd y gôl-geidwad cartref, Luke Coddington, eisoes wedi arbed cic o’r smotyn Darren Carter cyn i Shau Harrad roi Wrecsam ar y blaen wedi chwarter awr o chwarae.
Dyblwyd y fantais charter awr yn ddiweddarach gyda’r gyntaf o ddwy gôl gan McDonagh.
Rhoddodd Carter lygedyn o obaith i Forest Green hanner ffordd trwy’r ail hanner ond sicrhaodd McDonagh’r tri phwynt gyda’i ail ef a thrydedd ei dîm yn yr amser a ganiateir am anafiadau ar ddiwedd y gêm.
Mae Wrecsam yn aros yn bymthegfed yn nhabl y Gynghrair Genedlaethol er gwaethaf y fuddugoliaeth.
.
Wrecsam
Tîm: Coddington, Edwards, Rooney, Carrington, R.Evans, Rutherford, Tilt, J.Evans, McDonagh, Harrad (Powell 66’), Bencherif
Goliau: Harrad 15’, McDonagh 30’, 90+3’
Cardiau Melyn: McDonagh 76’, R.Evans 78’
.
Forest Green
Tîm: Russell, Pinnock, Marsh-Brown, Carter, Clough, Noble, Bennett, Traore, Doidge (Tobert 73’), Wishart (Monthe 57’), Sinclair
Gôl: Carter 68’
Cerdyn Melyn: Traore 76’
.
Torf: i ddilyn
