Gateshead 2–2 Wrecsam 
Brwydrodd Wrecsam nôl i gipio pwynt oddi cartref yn erbyn Gateshead yn y Gynghrair Genedlaethol brynhawn Sadwrn.
Aeth y tîm cartref ddwy gôl ar y blaen yn gynnar yn yr ail hanner yn Stadiwm Rhyngwladol Gateshead cyn i Wrecsam daro nôl gyda goliau Rooney a Bencherif.
Rhoddodd Sam Jones Gateshead ar y blaen ddeg munud cyn yr egwyl cyn i Danny Johnson ddyblu mantais y tîm cartref yn gynnar yn yr ail gyfnod.
Tynnodd John Rooney un yn ôl i Wrecsam toc cyn yr awr cyn i Hamza Bencherif unioni pethau ddeg munud yn ddiweddarach.
Bu bron i Wes York adfer mantais Gateshead ond tarodd ei ymgais yn erbyn postyn ei gyn glwb.
Mae’r canlyniad yn gadael Wrecsam yn bedwerydd ar ddeg yn nhabl y Gynghrair Genedlaethol.
.
Gateshead
Tîm: Hanford, Brundle, Smith, Jones, McLaughlin, Smith, York (Mafuta 82’), Atkinson (Wrightson 86’), Penn, Hannant, Johnson (Styche 75’)
Goliau: Jones 36’, Johnson 49’
.
Wrecsam
Tîm: Jalal, Edwards, Evans, Rooney, Tilt, Smith, Carrington, Bencherif, Powell, Harrad (Bailey-Nichols 55’), McDonagh
Goliau: Rooney 59’, Bencherif 69’
Cardiau Melyn: Smith 53’, Edwards 86’, Bencherif 90’
.
Torf: 832
