Gorffennodd y Seintiau Newydd ac Apoel Nicosia o Gyprus yn gyfartal ddi-sgôr yng nghymal cyntaf ail rownd ragbrofol Cynghrair y Pencampwyr nos Fawrth.
Bydd yr ail gymal yng Nghyprus ar Orffennaf 19.
Arhosodd amddiffyn y Cymry’n gadarn yn erbyn tîm sydd wedi cyrraedd grwpiau Cynghrair y Pencampwyr dair gwaith yn y gorffennol.
Cafodd yr amddiffynnwr Phil Baker ei enwi’n seren yr ornest wrth iddo ymddangos yng nghrys y Seintiau Newydd am y degfed tro ar hugain, gan ddod yn gyfartal â’r hyfforddwr Scott Ruscoe.
