Mae Gareth Bale ar y fainc wrth i Gymru herio Sweden yn Stockholm brynhawn dydd Sul ar drothwy Ewro 2016.
Roedd y rheolwr Chris Coleman eisoes wedi dweud na fyddai Bale yn chwarae mwy na 45 munud ar ôl cael anaf wedi ffeinal Cynghrair y Pencampwyr.
Mae David Vaughan, Andy King a Sam Vokes wedi’u henwi yn y tîm gan fod Joe Allen, Joe Ledley a Hal Robson-Kanu wedi’u hanafu.
Mae saith o’r tîm a gollodd o 1-0 yn erbyn yr Wcráin ym mis Mawrth yn dechrau’r gêm.
Mae Zlatan Ibrahimovic wedi’i gynnwys yn nhîm Sweden, sydd wedi gwneud chwe newid i’r tîm a gafodd ornest gyfartal ddi-sgôr yn erbyn Slofenia ddydd Llun.
Tîm Cymru: W Hennessey, C Gunter, N Taylor, B Davies, A Williams, J Chester, A King, A Ramsey, J Williams, D Vaughan, S Vokes
