Leon Britton (o wefan y clwb)
Mae chwaraewr canol cae Abertawe, Leon Britton, yn ffit eto ar gyfer y gêm yn Newcastle dros y Sul, ond efallai na fydd yn cael lle ar y dechrau.
Mae’n edrych yn debygol y bydd yr hyfforddwr Francesco Guidolin yn cadw Jack Cork a Leroy Fer yng nghanol y cae ar ôl y fuddugoliaeth o 1-0 yn erbyn Chelsea yr wythnos ddiwetha;.
Dyna’r tri phwynt sydd wedi mwy neu sicrhau lle’r Elyrch yn yr Uwch Gynghrair y tymor nesa’ – ond fe fyddan nhw’n anelu i fanteisio ar wendid Newcastle i godi i le mwy parchus yn y tabl.
Y disgwyl hefyd yw y bydd y blaenwr ifanc o’r Eidal, Paloschi, yn cadw ei le yn y blaen yn lle Bafetimbi Gomis.
