Abertawe 1–0 Aston Villa
Mae Abertawe mwy neu lai yn ddiogel yn yr Uwch Gynghrair am dymor arall ar ôl trechu Aston Villa o gôl i ddim ar y Liberty nos Sadwrn.
Federico Fernandez a sgoriodd unig gôl y gêm yn gynnar yn yr ail hanner.
Villa a gafodd y gorau o hanner cyntaf di fflach ond di sgôr oedd hi wrth droi.
Daeth unig gôl y gêm saith munud wedi’r ail ddechrau, yr amddiffynnwr canol, Fernandez, i fyny o’r cefn i sgorio gôl flêr.
Cadwodd yntau a’i gyd amddiffynnwyr eu gafael ar lechen lân wedi hynny i sicrhau tri phwynt holl bwysig.
Mae’r canlyniad yn codi’r Elyrch dros Crystal Palace i’r pymthegfed safle yn nhabl yr Uwch Gynghrair, un pwynt ar ddeg yn glir o safleoedd y gwymp
.
Abertawe
Tîm: Fabianski, Rangel, Williams, Fernandez, Kingsley (Routledge 86’), Cork, Ki Sung-yueng, Barrow (Naughton 78’), Fer, Sigurdsson, Gomis
Gôl: Fernandez 53’
Cardiau Melyn: Sigurdsson 59’, Routledge 87’, Britton 90’
.
Aston Villa
Tîm: Guzan, Hutton, Lescott, Clark, Cissokho, Westwood, Gueye, Gil (Agbonlahor 74’), Veretout (Green 61’), J. Ayew, Gestede
Cardiau Melyn: Cissokho 27’, Lescott 90’
.
Torf: 20,454
