Morecambe 1–2 Casnewydd
Sgoriodd Scott Boden ddwy waith wrth i Gasnewydd drechu Morecambe yn y Globe Arena brynhawn Sadwrn.
Cododd yr Alltudion saith pwynt yn glir o safleoedd disgyn yr Ail Adran gyda buddugoliaeth dda oddi cartref.
Rhoddodd Boden yr ymwelwyr ar y blaen yn y munud cyntaf, yn sgorio o groesiad Mark Byrne.
Felly yr arhosodd hi tan hanner amser ond roedd Morecambe yn gyfartal ar yr awr diolch i Shaun Miller.
Fe arhosodd hi felly am lai na deg munud cyn i Boden rwydo ei ail ef yn dilyn gwaith creu Alex Rodman y tro hwn.
Mae Casnewydd yn aros yn ugeinfed yn nhabl yr Ail Adran er gwaethaf y fuddugoliaeth, ond yn bwysicach, mae saith pwynt bellach yn eu gwahanu hwy a Dagenham & Redbridge sydd yn drydydd ar hugain.
.
Morecambe
Tîm: Roche, Beeley, Dugdale, Parrish, Conlan, Fleming, Goodall (Mullin 77’), Barkhuizen, Devitt, Ellison, Miller
Gôl: Miller 60’
Cardiau Melyn: Ellison 76’, Conlan 86’
.
Casnewydd
Tîm: Beeney, Holmes, Jones, Hughes, Davies, Rodman, Byrne, Ellito, Smalley (Barrow 73’), Boden, Wilkinson (Ayina 85’)
Goliau: Boden 1’, 69’
Cerdyn Melyn: Boden 71’
.
Torf: 1,342
