Southport 3–2 Wrecsam 
Colli fu hanes Wrecsam wrth iddynt ymweld â Haig Avenue i wynebu Southport yn y Gynghrair Genedlaethol brynhawn Sadwrn.
Sgoriodd Louis Almond ddwy waith wrth i’r tîm cartref ennill o dair i ddwy.
Rhoddodd Wes York yr ymwelwyr o ogledd Cymru ar y blaen cyn i Almond union pethau i Southport cyn yr egwyl.
Peniodd Luke Foster y tîm cartref ar y blaen am y tro cyntaf yn gynnar yn yr ail gyfnod ond roedd y Dreigiau’n gyfartal ugain munud o’r diwedd diolch i James Gray.
Yna, ildiodd Jamal Fyfield gic o’r smotyn bum munud o ddiwedd y naw deg ac enillodd Almond y gêm i’r tîm cartref wrth rwydo o ddeudde llath.
Mae Wrecsam yn unfed ar ddeg yn nhabl y Gynghrair Genedlaethol wedi’r canlyniad.
.
Southport
Tîm: Crocombe, Jones, Blakeman, Thompson, Foster, Wright, Phenix, Rutherford, Allen, Jones (Nolan 23′), Almond
Goliau: Almond 41’, 85’, Foster 51’
Cerdyn Melyn: Phenix 90’
.
Wrecsam
Tîm: Taylor, White, Newton , York, Hudson (Vose 70′), Smith, Fyfield, Moke (Jackson 50′), Carrington (Gray 70′), Evans, Jennings
Goliau: York 18’, Gray 71’
Cardiau Melyn: Jennings 77’
.
Torf: 2,148
