Mae Paul Mullin wedi’i enwi’n Chwaraewr y Flwyddyn y Gynghrair Genedlaethol.
Mae’n un o dri chwaraewr Wrecsam yn y tîm, ynghyd â Jordan Davies ac Aaron Hayden.
Sgoriodd Mullin fwy o goliau na neb arall yn y gynghrair (26), a 30 o goliau ar draws yr holl gystadlaethau.
Daw hyn ar ôl i Wrecsam golli allan ar ddyrchafiad yn y gemau ail gyfle.
Clybiau’r Gynghrair Genedlaethol sy’n pleidleisio er mwyn dewis tîm gorau’r tymor.
Yn cwblhau’r tîm mae Ash Palmer a Paddy Madden (Stockport), Ruben Rodrigues a Jayden Richardson (Notts County), Kabongo Tshimanga (Chesterfield), Harry Boyes a Joe Sbarra (Solihull Moors), a Sam Johnson (Halifax).
