Mae Clwb Pêl-droed Abertawe wedi denu Andy Fisher o MK Dons am swm sydd heb ei gadarnhau.
Mae’r golwr 23 oed yn symud o MK Dons, lle bu’n gweithio â’r rheolwr Russell Martin cyn iddo symud i’r Elyrch.
Mae e wedi llofnodi cytundeb pedair blynedd a hanner i’w gadw gyda’r Elyrch tan fis Mehefin 2026, a bydd e’n gwisgo’r rhif 33 ar ei gefn.
Llofnododd ei gytundeb cyntaf gyda Blackburn yn 2016, gan chwarae pedair gwaith yn y gwpan.
Treuliodd e gyfnodau ar fenthyg yn FC United of Manchester a Northampton yn 2019, ond roedd ei drosglwyddiad i MK Dons yn hwb i’w yrfa.
Symudodd i’r clwb yn barhaol yn ystod haf 2020, gan fynd yn ei flaen i chwarae mewn 39 o gemau y tymor canlynol, a 23 yn rhagor y tymor hwn.
Ar y rhestr o lechi glân i’r clwb, mae Andy Fisher yn bumed.
Yn y cyfamser, mae Abertawe wedi cyhoeddi y bydd eu golwr Steven Benda yn treulio gweddill y tymor ar fenthyg yn Peterborough.
