Joe Ledley a'i farf yn arwain y dawnsio wrth i Gymru ddathlu eu lle yn Ewro 2016 (luln: CBDC)
Fe fydd gan gefnogwyr Cymru sawl atgof cofiadwy o ymdrech llwyddiannus y tîm i gyrraedd Ewro 2016, o’r buddugoliaethau gwefreiddiol i goliau Gareth Bale, cap cyntaf Owain Fôn i ganu ar rai o strydoedd pellennig Ewrop.
Ond does dim amheuaeth mai un o ymddangosiadau mwyaf trawiadol yr ymgyrch oedd barf mawreddog y chwaraewr canol cae Joe Ledley – wel, hynny a’i ddawns arbennig wrth gwrs.
Cafodd cefnogwyr Cymru sydd yn hoff o gyfres gemau cyfrifiadurol FIFA ychydig o siom yn ddiweddar felly pan gafodd y gêm ddiweddaraf, FIFA 16, ei rhyddhau yn ddiweddar.
Oedd, roedd modd chwarae fe tîm Cymru, ond roedd un peth ar goll – y barf adnabyddus hwnnw ar wyneb Joe Ledley.
‘Deiseb y bobl’
Cafodd un cefnogwr ar Twitter – dim syndod mai ei enw yw @JoeLedleysBeard – ei siomi cymaint ei fod bellach wedi mynd ati i greu deiseb i ofyn i EA Sports, gwneuthurwyr y gêm, ychwanegu’r blewiach trawiadol.
Here it is: a petition to tell @EASPORTSFIFA to give Joe Ledley his beard on FIFA 16. https://t.co/goygYoncbM pic.twitter.com/dFkz1g6gsV
— Joe Ledley’s Beard (@JoeLedleysBeard) November 24, 2015
Mae dros 100 o bobl eisoes wedi arwyddo’r ddeiseb ers iddo gael ei lansio ddoe, gydag ambell un hefyd yn galw ar y gwneuthurwyr i ychwanegu dawns enwog Ledley i’r dathliadau ar y gêm. Bydd rhaid aros i weld a fydd EA Sports yn gwrando ar yr alwad, ond does dim dwywaith bod ‘Joe Ledley’s Beard’ yn teimlo bod ganddo gefnogaeth eang.
Imagine the devastation on a little child’s face at Christmas as they see that their favourite player’s beard isn’t on their brand new game.
— Joe Ledley’s Beard (@JoeLedleysBeard) November 24, 2015
Just hit 100 signatures, keep signing to show @EASPORTSFIFA what the people want!
— Joe Ledley's Beard (@JoeLedleysBeard) November 25, 2015
Mae gan y ddeiseb ar farf Ledley sbel i fynd fodd bynnag nes iddo gyrraedd poblogrwydd deiseb arall sydd yn galw am well cydnabyddiaeth i Gymru ar gêm nesaf FIFA 17.
Mae dros 600 o bobl eisoes wedi galw ar EA Sports i gynnwys Uwch Gynghrair Cymru yn fersiwn nesaf eu gêm – pwy sydd eisiau chwarae fel Barcelona a Bayern Munich pan gewch chi fod yn Bala neu Bangor?
