Derby’n Curo Caerdydd

Derby 2–0 Caerdydd

Colli fu hanes Caerydd wrth iddynt ymweld â Pride Park i wynebu Derby yn y Bencampwriaeth brynhawn Sadwrn.

Yn dilyn hanner cyntaf di sgôr fe aeth y tîm cartref yn haeddianol ar y blaen wedi deg munud o’r ail gyfnod. Gorffennodd George Thorne yn gelfydd o bymtheg llath wedi i Chris Martin osod y bêl yn daclus iddo.

Roedd Thorne yn ei chanol hi eto wrth i Andreas Weimann ddyblu’r fantais chwarter awr o’r diwedd. Llwyddodd Marshall i arbed ergyd Thorne ond sgoriodd Weimann ar yr ail gynnig.

Wnaeth yr Adar Gleision ddim bygwth lawer o flaen gôl, ac unwaith yr oedd Derby ddwy gôl ar y blaen, roedd y gêm drosodd.

Mae’r canlyniad yn gadael Caerdydd yn nawfed yn nhabl y Bencampwriaeth.

.

Derby

Tîm: Carson, Christie (Baird 82′), Keogh, Shackell, Warnock, Johnson, Thorne, Butterfield (Bryson 71′), Ince (Russell 71′), Martin, Weimann

Goliau: Thorne 55’, Weimann 76’

Cerdyn Melyn: Johnson 51’

.

Caerdydd

Tîm: Marshall, Peltier, Morrison, Connolly, Malone, Noone, Dikgacoi (O’Keefe 72′), Whittingham (Kennedy 78′), Ralls, Jones, Mason (Ameobi 63′)

Cardiau Melyn: Noone 69’, Connolly 77’

.