Met Caerdydd 3-2 Penybont
Enillodd Met Caerdydd ei gêm gyntaf o’r tymor yn erbyn Penybont.
Y tîm oddi cartref aeth ar y blaen, fodd bynnag, gyda Nathan Wood yn sgorio ar ôl tri munud.
Ond fe wnaeth Met Caerdydd ymateb yn gryf, gyda goliau gan Adam Roscrow, Eliot Evans a Harry Owen yn eu rhoi 3-1 ar y blaen.
Sgoriodd Lewis Clutton gôl gysur i’r ymwelwyr yn y 90ain munud.
ST / FT @CardiffMetFC 3-2 @PenybontFC_
Cic o'r smotyn Eliot Evans yn helpu troi colled yn fuddugoliaeth i'r Met
Eliot Evans' spot-kick helps Met gain a come-from-behind victory against Pen-y-bont pic.twitter.com/QlqxCGMZWV
— Sgorio ⚽️ (@sgorio) August 31, 2021
Aberystwyth 0-1 Bala
Sgoriodd Alex Darlington gôl i’w rwyd ei hun, gan roi’r fuddugoliaeth i’r Bala yn erbyn Aberystwyth, sy’n parhau i fod yn drydydd o waelod y tabl, gallwch ddarllen mwy ar y wefan fro leol, isod.
ST/FT: Aberystwyth 0-1 @BalaTownFC
Y Bala yn ennill eu gêm gyntaf o’r tymor diolch i gôl i’w rwyd ei hun gan Alex Darlington.#CymruPremierJD ???????
— Sgorio ⚽️ (@sgorio) August 31, 2021
Y Barri 3-2 Hwlffordd
Fe wnaeth cic gosb hwyr gan Clayton Green sicrhau’r pwyntiau i’r Barri gartref yn erbyn Hwlffordd.
Roedd Green wedi rhoi’r tîm cartref ar y blaen gyda’i gyntaf o’r noson, yn i Ben Fawcett sgorio dwywaith i roi Hwlffordd ar y blaen.
Rhwydodd Chris Hugh i unioni’r sgôr cyn i Green beidio gadael i’w nerfau gael y gorau ohono a sicrhau bod y pwyntiau yn aros yn y Barri.
ST / FT @BarryTownUnited 3-2 @HaverfordwestFC
Ail hanner dramatig ar Barc Jenner a Barri'n ei chipio hi drwy goliau Hugh a Green
Barry come from behind at half-time to win three points through Hugh's goal and Green's penalty, as former international Jazz Richards is sent-off pic.twitter.com/19YO1EoSAD
— Sgorio ⚽️ (@sgorio) August 31, 2021
Cei Connah 1-1 Caernarfon
Fe wnaeth y pencampwyr Cei Connah golli mwy o dir ar frig y tabl wrth iddyn nhw gael gêm gyfartal yn erbyn Caernarfon.
Roedd Darren Thomas, neu’r Cofi Messi, wedi rhoi’r Cofis ar y blaen a bu’n rhaid i John Disney achub pwynt i’r tîm cartref.
Mae Cei Connah bedwar pwynt y tu ôl i’r Seintiau Newydd ar frig y tabl nawr.
ST/FT: @the_nomads 1-1 @CaernarfonTown
Gêm gyfartal yn Stadiwm Glannau Dyfrdwy, gyda Darren Thomas yn agor y sgorio i’r ymwelwyr cyn i John Disney unioni’r sgôr i’r Pencampwyr.#CymruPremierJD ???????
— Sgorio ⚽️ (@sgorio) August 31, 2021
Y Drenewydd 5-0 Derwyddon Cefn
Mae dechrau ofnadwy Derwyddon Cefn i’r tymor yn parhau, wrth iddyn nhw golli o 5-0 yn erbyn y Drenewydd.
Nid yw’r Derwyddon wedi cymryd yr un pwynt o’u pedair gêm agoriadol.
Sgoriodd Lifumpa Mwandwe ddwywaith yn yr 16 munud cyntaf i roi’r Drenewydd ar ben ffordd.
Ychwanegodd James Davies drydedd, gyda Kieran Mills-Evans ac Aaron Williams yn cwblhau’r fuddugoliaeth swmpus.
Y Seintiau Newydd 1-0 Y Fflint
Fe gododd y Seintiau Newydd i frig y tabl gyda buddugoliaeth 1-0 dros y Fflint mewn gêm agos.
Maen nhw nawr wedi ennill ei pedair gêm agoriadol.
Hon oedd gêm fwyaf arwyddocaol y tymor hyd yma, gan mai’r Fflint oedd wedi bod ar dop y tabl ar wahaniaeth goliau cyn yr ornest.
Sgoriodd Adrian Cieslewicz i sicrhau’r pwyntiau i dîm Andy Limbrick.
ST/FT: @tnsfc 1-0 Y Fflint
Y Seintiau yw’r unig tîm gyda record 100% ar ôl pedair gêm, gyda bechgyn Anthony Limbrick yn dringo i frig y tabl diolch i gôl Cieslewicz. #CymruPremierJD ???????
— Sgorio ⚽️ (@sgorio) August 31, 2021
Canlyniadau #CymruPremierJD ???????
Y Seintiau Newydd yw’r unig dîm i ennill eu pedair gêm agoriadol o’r tymor. pic.twitter.com/N1MGvmUkEl
— Sgorio ⚽️ (@sgorio) August 31, 2021
