Mae Wayne Hennessey, golwr tîm pêl-droed Cymru, wedi gadael Crystal Palace ar ôl i’w gytundeb ddod i ben.
Treuliodd e saith mlynedd yn ne Llundain, gan chwarae 132 o weithiau i’r clwb, gan gadw llechen lân 37 o weithiau.
Fe sydd â’r record am y nifer fwyaf o gapiau i golwr dros Gymru, gyda 96.
Mae Crystal Palace wedi diolch iddo fe am ei gyfraniad i’r clwb ac wedi dymuno’n dda iddo fe ar gyfer y dyfodol.
Mae adroddiadau’n awgrymu ei fod e am ymuno â Burnley.
