Gornest rhwng y timau sy’n chweched a seithfed yw honno rhwng Wrecsam a Chesterfield ar y Cae Ras heddiw (dydd Sadwrn, Ebrill 24).
Mae’r ymwelwyr wedi chwarae dwy gêm yn llai.
Mae Chesterfield wedi colli eu dwy gêm diwethaf a heb ennill yn eu pedair gêm diwethaf, tra bod Wrecsam wedi ennill eu dwy gêm diwethaf.
Mae Adi Yussuf yn dychwelyd i’r Cae Ras er nad yw e wedi chwarae yn y tair gêm diwethaf.
Mae gan Chesterfield record dda gartref yn erbyn Wrecsam, gan ennill y ddwy gêm ddiwethaf â goliau hwyr.
Y tymor diwethaf, enillodd Chesterfield ar eu tomen eu hunain â gôl hwyr wrth i Michael Chambers roi’r bêl yn ei rwyd ei hun.
Ond bedwar diwrnod yn ddiweddarach yn y gwpan, roedden nhw’n gyfartal 1-1 wrth i Bobby Grant a Mike Fondop sgorio.
JJ Hooper sgoriodd y gôl hollbwysig i Wrecsam wrth iddyn nhw orfod chwarae’r gêm eto.
Y tymor blaenorol, sgoriodd Akil Wright gyda’i ben oddi ar groesiad Luke Young mewn amodau gwyntog.
Doedd Chesterfield ddim wedi chwarae ar y Cae Ras ers 2007 cyn y gêm honno – bryd hynny, collodd Wrecsam yn drwm o 4-0.
Fe fydd nifer o chwaraewyr Wrecsam yn cyrraedd cerrig milltir i’r clwb heddiw:
- Hon fydd gêm rhif 275 Mark Carrington yng nghrys Wrecsam
- Bydd Dior Angus yn chwarae gêm rhif 275 ei yrfa yn y gynghrair
- Hon hefyd fydd gêm rhif 375 ei yrfa i Luke Young
- Bydd Shaun Pearson yn chwarae ei 125ain gêm yn y gynghrair i Wrecsam
- Hon fydd gêm rhif 125 yn y gynghrair i Christian Dibble
