Cafodd Abertawe eu dal yn ôl gan Reading mewn gêm ddi-sgôr yn Stadiwm Liberty neithiwr.
Er i’r Elyrch roi’r pwysau ar yr ymwelwyr drwy gydol y gêm, wnaethon nhw ddim llwyddo i fanteisio ar eu cyfleoedd i droi hyn yn goliau.
Drwy orfod bodloni ar un pwynt, maen nhw hefyd wedi colli cyfle i ddringo’n ôl i’r ail safle yng nghynghrair Pencampwriaeth Sky Bet.
Roedd Reading yn amddiffyn yn gryf, a llwyddodd eu golwr Rafael Cabral i wneud cyfres o arbedion gwych.
