Bydd Cymru’n wynebu Mecsico yn eu gêm gartref gyntaf yn 2021.
Caiff y gêm gyfeillgar ei chynnal yn Stadiwm Dinas Caerdydd, gyda’r gic gyntaf am 8pm ddydd Sadwrn, 27 Mawrth.
Yn unol â chanllawiau cyfredol y Llywodraeth, mae’r gêm hon wedi’i threfnu i’w chwarae y tu ôl i ddrysau caeedig.
Y gêm yn erbyn Mecsico fydd y 5ed tro i’r ddwy wlad wynebu ei gilydd, a’r tro cyntaf yng Nghymru.
Fe wynebodd y ddwy ochr ei gilydd ddiwethaf ym mis Mai 2018 yn Stadiwm Rose Bowl yn Pasadena, California – gêm ddi-sgôr fel rhan o baratoadau Mecsico ar gyfer Rowndiau Terfynol Cwpan y Byd 2018.
Wales v Mexico at an empty Cardiff City Stadium on a Saturday night in March about as far removed from this as possible. There was 82,345 at the Rose Bowl in Pasadena on a glorious evening to see Wales and Mexico draw 0-0 in May 2018. pic.twitter.com/mSZRLB8VgK
— Phil Blanche (@philblanche) December 21, 2020
At least there won't be any of this… pic.twitter.com/1ccnO5SKmP
— Phil Blanche (@philblanche) December 21, 2020
‘Triple headers‘
Wrth i Gymru dychwelyd i’r maes yn y gwanwyn, bydd y pwyslais ar ymgyrch gymhwyso Cwpan y Byd FIFA 2022.
Bydd y gêm yn erbyn Mecsico yn un o ddwy gêm ryngwladol ychwanegol – gyda gemau’n cael eu chwarae fesul tri – ‘triple headers‘ – ym mis Mawrth a mis Medi.
Bydd y gem gyfeillgar yn cael ei chwarae rhwng dwy gêm gymhwyso ar gyfer Cwpan y Byd FIFA 2022 – y gyntaf i ffwrdd i Wlad Belg, ddydd Mercher 24 Mawrth, cyn dychwelyd i chwarae’r Weriniaeth Tsiec gartref ddydd Mawrth 30 Mawrth.
Mewn datganiad dywedodd y Gymdeithas Bêl-droed:
“Gydag un llygad ar rowndiau terfynol EURO 2020, bydd y gêm hon yn rhan hanfodol o baratoadau’r tîm tua’r haf.”
