Colli 2-0 a wnaeth Caerdydd heddiw wrth i Norwich sicrhau buddugoliaeth rwydd yn Carrow Road a thynhau eu gafael ar frig y Bencampwriaeth.
Gyda goliau meistrolgar yn y naill hanner a’r llall gan Emi Buendia a Todd Cantwell, mae Norwich bellach chwe phwynt ar y blaen i Bournemouth yn yr ail safle.
Roedd yn fuddugoliaeth gwbl haeddiannol i’r tîm cartref, a gallai Caerdydd yn hawdd fod wedi colli o fwy pe bai Norwich wedi manteisio ar bob cyfle yn eu herbyn.
