Gallai Caerdydd groesawu Harry Wilson a Robert Glatzel yn ôl ar gyfer ymweliad Barnsley yn y Bencampwriaeth nos Fawrth (Tachwedd 3).
Methodd Wilson, sydd ar fenthyg Lerpwl, y golled yn 3-2 yn erbyn QPR ddydd Sadwrn (Hydref 31) gyda phroblem clun, tra’r oedd Robert Glatzel yn sâl.
Chwaraeodd Lee Tomlin 30 munud fel eilydd yn dilyn anaf ac mae disgwyl iddo gymryd rhan eto nos Fawrth.
Mae Greg Cunningham allan gydag anaf i linyn y gar (hamstring).
Bydd Barsnley yn teithio i Gaerdydd heb gryn dipyn o chwaraewyr sydd wedi’u hanafu.
Ni fydd Callum Brittain, Jordan Williams, Romal Palmer na Cauley Woodrow ar gael i’r ymwelwyr.
Mae Caerdydd yn 17eg yn y tabl ar hyn o bryd, pum pwynt oddi ar safleoedd y gemau ail-gyfle a phedwar oddi ar y safleoedd disgyn.
