Bydd tîm pêl-droed merched Cymru yn herio Norwy yn ymgyrch Ewro 2022 am 4.30yp heddiw (dydd Mawrth, Hydref 27).
Mae tîm Jayne Ludlow yn ail yng ngrŵp C, bedwar pwynt y tu ôl i Norwy, sydd hefyd â gêm wrth gefn.
Ond bydd cadw’r ail safle yn allweddol i Gymru, gan y byddai hynny yn ddigon i sicrhau gêm ail gyfle o leiaf.
Dydy merched Cymru erioed wedi cyrraedd twrnament rhyngwladol.
“Mae’n gêm ar y lefel uchaf, felly rydyn ni i gyd yn gyffrous,” meddai Jayne Ludlow wrth BBC Sport Wales.
“Bydd yn rhaid i ni fod ar ein gorau.
“Ond mae fy chwaraewyr eisiau cystadlu ac ennill ein brwydrau ac os llwyddwn ni i wneud hynny, does dim rheswm pam na allwn ni gael canlyniad positif.”
BE POSITIVE. BE INSPIRING. BE CYMRU.
??????? v ??
⏰ 16:30 Tuesday
? @BBCWales #BeFootball | #TogetherStroner pic.twitter.com/T6EmWY70jN— Wales ??????? (@Cymru) October 26, 2020
“Mae’n rhaid i ni fod ar ein gorau” – Sophie Ingle
Dywed Sophie Ingle, capten Cymru, y “bydd yn rhaid i ni fod ar ein gorau er mwyn cael y canlyniad rydym ei angen”.
“Rydan ni gyd wedi gweithio mor galed am gymaint o flynyddoedd, yn bennaf y rhai hyn sydd wedi bod yma ers cymaint, dw i’n meddwl mai cyrraedd twrnament rhyngwladol yw’r peth olaf maen nhw eisiau ei gyflawni, a pha ffordd well i wneud hynny na gyda’r grŵp yma o ferched,” meddai.
