Bydd gemau Cynghrair Ewropa Y Bala a’r Seintiau Newydd yn cael eu ffrydio ar-lein heno (nos Iau, Awst 27).
Mae’r Bala’n herio Valletta FC oddi cartref ar ynys Melita, tra bod Y Seintiau Newydd yn wynebu MŠK Žilina o Slofacia gartref.
Bydd cic gyntaf gêm Y Bala am 7yh, tra bod gornest Y Seintiau Newydd yn dechrau am 6:30yh.
Mae’r ddwy gêm yn cael eu chwarae heb dorfeydd yn bresennol, a bydd modd eu ffrydio yn rhad ac am ddim.
“Gêm anodd” – Colin Caton
Mae rheolwr Y Bala Colin Caton yn disgwyl “gêm anodd” yn erbyn Valletta FC, meddai.
“Mae hi’n mynd i fod yn gêm anodd, dw i’n ymwybodol bod timau Cymreig (Y Drenewydd) wedi curo Valletta o’r blaen ond maen nhw wedi dod â chwaraewyr i mewn i’r garfan yr wythnos hon, a byddwn yn wynebu tîm hollol wahanol i’r un wnaeth Y Drenewydd ei herio.
“Dw i’n meddwl y bydd hi’n gêm dda.”
Scott Ruscoe yn falch o fod yn chwarae gartref
“Dw i’n falch iawn ein bod yn chwarae gartref, rydym yn wynebu tîm sydd yn hen lawiau ar gystadlaethau Ewropeaidd ac mae’n rhaid i ni barchu hynny,” meddai Scott Ruscoe, rheolwr Y Seintiau Newydd.
“Rydan ni’n edrych ymlaen am y sialens.”
Ychwanegodd Capten Y Seintiau Newydd Chriss Marriott at sylwadau Scott Ruscoe.
“Yn amlwg, rydym yn gwybod y bydd hi’n gêm anodd,” meddai.
“Ond dw i’n credu bod chwarae gartref yn rhoi cyfle gwych i ni fynd drwodd mewn gêm un cymal”
Dolenni
Bydd modd gwylio gêm Y Bala yma.
A bydd gêm Y Seintiau Newydd yn cael ei ffrydio ar wefannau Facebook a YouTube.
