Daeth Tyler Blackwood oddi ar y fainc i sgorio unig gôl y gêm wrth i Gasnewydd ennill am y tro cyntaf y tymor hwn.
Fe deithiodd yr Alltudion i Carlisle gyda dim ond dwy gêm gyfartal allan o’u wyth gêm agoriadol, ond maen nhw’n dychwelyd o ogledd Lloegr â’u tri phwynt cyntaf o dan reolaeth Terry Butcher.
Carlisle oedd wedi sgorio ac ildio’r mwyaf o goliau yn y gynghrair eleni, ond er gwaethaf ymdrechion y tîm cartref fe lwyddodd Casnewydd i gadw llechen lân.
Mae Casnewydd dal ar waelod tabl Cynghrair Dau, fodd bynnag, er gwaethaf y fuddugoliaeth.
